Ved å steikje fisk i omnen får du ein annan tekstur og smak enn når du nyttar vatn eller damp. Som ved alle tillagingsmetodar er det viktig med riktig temperatur for å få best mogleg kvalitet på det ferdige produktet.
Omnsbaking av fiskestykke
Høg varme, låg varme, langtidsbaking og kortidsbaking gir ulike resultat. Ved omnsbaking av fiskestykke gjeld mykje av det same som ved damping/posjering av fisk – temperatur og tid er viktig.
Omnsbakt kveite
- Sett omnen på 60 gradar varmluft.
- Del kveitefilet utan skinn og bein i porsjonar. Gni fiskestykka inn med salt og legg desse på eit smurt steikjebrett.
- Bak fisken til kjernetemperaturen er 47 gradar.
- Trekk av skinnet og server med det same.
Omnsbaking av heil fisk
Heil fisk blir ofte transjert av servitør eller kokk framfor gjesten. Då er det viktig at fisken er laga på riktig måte, og at kokk/servitør har riktig kunnskap og erfaring om korleis dette blir gjort.
For å få eit produkt med god smak, tekstur og utsjånad er temperatur og steikjetid avgjerande. Vanlege tillagingsmetodar er bakt på salt, innbakt i deig eller bresert i kraft.
CC BY-SASkrive av Einar Martin Kålen.
Sist fagleg oppdatert 10.02.2021