Kapitalbehov
Først må du finne ut kor mykje kapital du treng. Du treng kanskje å kjøpe inn utstyr, leige lokale, kjøpe inn varer og ta ut løn? Du bør setje opp eit budsjett for å få oversikt over kor mykje kapital du treng. Her bereknar du kor mykje startkapital du må ha, og kor mykje du treng til drift den første tida.
Ei bedrift bør tole å tape pengar i byrjinga. Men viss eigenkapitalen er for låg, toler han ikkje det. Eigenkapitalen bør derfor utgjere minst 40 % av finansieringa.
Korleis kan du skaffe pengane?
- bruke pengar du sjølv eller forretningspartnaren din har spara opp (eigenkapital)
- låne pengar i banken (gjeld)
- skaffe ein investor
Når du søkjer om lån frå banken, er det viktig at forretningsplanen din fortel korleis du har tenkt å tene pengar på bedrifta. Forretningsplanen bør vise at det er sannsynleg at du klarer å tene pengar, slik at banken seinare får igjen pengane dei har lånt ut til deg – med renter.