Fuck fossils – ei framtid du ikkje vil ha
"Fuck fossils – ei framtid du ikkje vil ha" er ein fiksjonsfilm som handlar om korleis kvardagen til ein vanleg familie i Noreg vil kunne arte seg i år 2050. I filmen ser vi korleis klimaendringane påverkar livet til familien.
Vi møter ein vanleg familie i år 2050 og får eit innblikk i korleis klimaendringar har påverka kvardagen. Video: Leidar / CC BY-NC-ND 4.0
I dette opplegget skal de reise fram til år 2050 og forsøke å setje dykk inn i korleis situasjonen kan vere då. Problemstillingar de kan utforske, kan vere:
- Korleis opplever menneske endringane som har skjedd?
- Kva er årsaka til at dei har hamna i denne situasjonen?
- Korleis kan dei løyse dei utfordringane som har oppstått?
De kan også lage eigne problemstillingar.
Etter å ha sett filmen kan det vere fint å diskutere det de har sett. I ressursen "Diskuter filmen Fuck fossils" finn de forslag til spørsmål de kan diskutere i klassen.
I lista under finner de ressursar som er henta frå fleire fag. De kan jobbe med ressursane enkeltvis eller setje saman fleire.
Ved å bruke kunnskap frå fleire fag kan de gå i djupna. Kanskje de ser samanhengar mellom ulike fag og klarer å løyse utfordringar de ikkje ante at de skulle klare!