Kven møter vi i podkasten?
Elisabeth Laila Due
Elisabeth Laila Due er smykkedesignar og gullsmed. Ho driv Sugar Shops, som er eit norsk smykkegalleri med gullsmedverkstad.
Ida Linnea Drotninghaug
Ida Linnea Drotninghaug er smed og sveisar. Saman med familien sin driv ho RK-smia, som har vore i Oslo sidan 1950-åra.
Thomas Solbakke
Thomas Solbakke er tømrar og møbelsnikkar. Han driv Tresløyfa, som er ein liten møbelverkstad på St. Hanshaugen i Oslo.
Del 1: Oppgåve
Lytt til podkasten og noter viktige nøkkelord.
Samanfatt det innhaldet du synest er viktigast i podkasten. Bruk stikkorda du skreiv undervegs som utgangspunkt. Her kan du bruke H5P-en under.
Del 2: Diskusjon i mindre grupper
Berekraftig utvikling dekkjer behova i dag, utan å øydeleggje moglegheitene for at kommande generasjonar skal få dekt behova sine. Sit saman med to medelevar og diskuter korleis de kan vareta dette i dei handverka de ønskjer å fordjupe dykk i. La alle presentere sine eigne tankar og diskuter:
Korleis kan de skape berekraftige produkt?
Korleis kan de bruke materiale og konstruksjonsmåtar for å redusere "bruk-og-kast-kultur", og fremje ein berekraftig livsstil?
Korleis kan de bruke materiale, produksjonsmetodar og konstruksjonsmåtar på ein slik måte at vi tek vare på naturressursar?
Kva produksjonsmetodar og tiltak kan avgrense forureining og forsøpling gjennom livsløpet av produktet, frå utvinning av råvare til produksjon, bruk og gjenvinning?
Del 3: Klassesamtale
Bruk podkasten og oppgåvene som utgangspunkt for ein klassesamtale om berekraft i tradisjonshandverk. Her kan de bruke det digitale verktøyet Samtavla til å dele viktige stikkord og til å strukturere samtalen.