Synleg reparasjon
Kvifor skal vi reparere?
Eva Kittelsen er designar, tekstilkunstnar og forfattar. Ho jobbar for å gjere reparasjon minst like normalt som å kjøpe nytt. Målet er at folk og bedrifter skal sjå moglegheitene og bygge opp ein reparasjonskultur.
I filmen under fortel Eva Kittelsen om dei menneskelege og miljømessige fordelane som finst i reparasjon, og ho viser oss eksempel på kreative løysingar. Ein del av bileta som blir brukte, er henta frå facebookgruppa "My visible mend".
På facebookgruppa "My visible mend" skriv ho: "Jeg drømmer om et samfunn der reparasjon er så normalisert at man nesten bare får kjøpt etisk produserte kvalitetsklær, der brukthandelen florerer siden klærne er laget for å vare, og der omsøm og reparasjonstjenester, inkludert synlig reparasjon på bestilling, er like normalt som å handle nytt!"
Tenk over
Kva tenker du om det Eva Kittelsen har skrive om draumesamfunnet? Kva skal til for at vi kjem dit?
Kva er haldninga di til det å kjøpe nye klede?
Har du nokre slitne klede som du kan gi eit personleg preg gjennom synleg reparasjon? Kva treng du å lære for å reparere dei på ein haldbar måte?
Korleis kan vi reparere slitne klede?
Du må ta omsyn til kva slag tekstilar du arbeider med når du skal reparere. Grunnprinsippet er å stoppe strikka plagg og å lappe vovne stoff, men du kan kombinere ulike teknikkar. Jo fleire erfaringar du gjer, dess fleire moglegheiter ser du. I filmen under får du nokre praktiske tips til korleis du kan komme i gang.
Fikselaug
Husfliden arrangerer opne arrangement der alle som vil, kan komme for å lære å fikse. Du kan lære enkle handverksteknikkar for reparasjon av tekstil og utstyr. Målet er å vise korleis du enkelt kan ta vare på kleda dine og få dei til å vare lenger.
Relatert innhald
Nettside hos husflid.no
Nettside hos husflid.no