Storfe er samlenemninga for kyr, oksar, kviger og kalvar. Det er mange ulike storferasar i verda. I Noreg er det flest av rasen NRF (norsk raudt fe), men vi har òg mange andre storferasar.

Kumjølk er eit viktig produkt i landbruket, og korleis du utfører mjølkingsarbeidet har mykje å seie både for velferda og helsa til kyrne og for kvaliteten på dei ferdige mjølkeprodukta. I dette emnet skal vi ta for oss viktige oppgåver i mjølkingsarbeidet.