Ein interiørkonsulent planlegg innreiing av rom i private heimar og i offentlege bygg. Du må sjå på rom, fargar, materialar, lys og møblering i samanheng for å skape gode og funksjonelle løysingar. Du må lytte til behovet til kunden, vere serviceinnstilt og ha gode kommunikasjonsevner.

Å finne ei lampe du liker, er ei enkel sak, men i interiørfaget må du ta fleire omsyn. Du må sjå på kva rommet skal brukast til, og planleggje slik at vi får nok lyssette flater og ein god lysfarge. Vi skal sjå på kva dagslys betyr for oss, og gå gjennom tre viktige omgrep for innandørs lyssetjing.