Korleis påverkar sol og dagslys oss?
Dagslys stimulerer oss, påverkar humøret og aktivitetsnivået vårt. Dessutan vil plasseringa av sola på himmelen hjelpe oss med å tolke omgivnadene våre og kva tid det er på døgnet.
Før elektrisiteten var mennesket svært mykje utandørs. Opptil 90 % av den vakne tida vår var vi ute. No er det motsett. Når vi er mykje innandørs, blir eigenskapane til det kunstige lyset viktige. Alle levande vesen har ei "indre klokke", kalla døgnrytme. Korleis mennesket historisk sett har tilpassa seg dagslys og dagsrytme, pregar oss enno.
Dagslys er òg viktig for hormonbalansen vår. Stresshormon kan bli påverka ved manglande dagslys.
Planlegging av lysbruk i bygg
Vi bør kjenne til påverknaden sol og dagslys har på oss når vi skal planleggje lysbruk i bygg. Det kan òg vere ein fordel å ha utsikt over hage eller natur. Naturleg lys og utsyn har følgjande effektar på oss:
bra for helsa
nedstressande
gir oss oversikt over tid, stad og vêr
Sidan vi manglar nok dagslys på kveldstid og i store delar av vinterhalvåret, kan det vere interessant å sjå på kva kvalitetar frå dagslyset vi kan hente med oss inn i byggverk. I opphaldsareal bør vi kombinere dagslys og elektrisk lyssetjing på ein god måte.
