Trøll

Denne caseoppgåva er fin å bruke som om ho skulle vore ein reell skriftleg eksamen – så langt det let seg gjere. Sjå retningslinjer for eksamen nedanfor.

Det har vore ein eksplosjon av sal av energidrikkar i Noreg. I 2022 drakk nordmenn over 73 millionar liter energidrikk, ifølge Bryggeri- og drikkevareforeningen. Fleire influensarar profilerer desse drikkane, mellom anna på Tik Tok.

Blant barn og unge i alderen 10–18 år sa Forbrukerrådet si undersøking frå 2021 at 43 % drakk energidrikk minst éin gong i veka. Fleire unge melde om biverknader som skjelving, hjartebank, hyperaktivitet, hovudpine og brystsmerter som følge av inntak av energidrikk. Forbrukarrådet har jobba for ei aldersgrense for kjøp av energidrikkar, og i mai 2023 blei det eit fleirtal på Stortinget for å innføre eit forbod mot salg av energidrikk til barn under 16 år.

Ein norsk leskedrikkprodusent som har produsert brus og energidrikk i fleire år, ønsker no å tilby eit sunnare alternativ.

Målet er at dette produktet skal konkurrere med populære energidrikkar på marknaden. Produktet skal bestå av vatn gjort rikt med vitamin for å booste energinivået, for så å bli tilsett fruktsmak. Første smak ut er blodappelsin. Designet på boksen med vitaminvatn minner om designet på energidrikk-boksar. Dei har valt Trøll som namn på produktet og ser for seg at Trøll kan bli ei sterk merkevare i den norske leskedrikkmarknaden.

I tillegg til opplysningane i situasjonsskildringa ovanfor må du legge til eigne føresetnader der du meiner det er nødvendig.

Oppgåve 1

Gi eit grunngitt forslag til visjon og forretningsidé for det nye vitaminvatnet på boks, Trøll.

Oppgåve 2

Vurder og gi grunngivande tilrådingar til korleis Trøll kan etablere seg som ei sterk merkevare med ein tydeleg posisjon i den norske leskedrikkmarknaden.

Oppgåve 3

Gjer greie for ulike faktorar som påverkar prissetjing og anbefal ein prisstrategi for Trøll.