Bli kjent med bohemsk stil

1. Finn ut kva det vil seie å vere bohem.
2. Lag eit moodboard med bohemsk stil som tema. Her kan du til dømes bruke Pinterest som verktøy.
3. Søk deg fram til ulike frisyrar. Bruk søkeord som: hair + bohemian, boho, hippie, viking, festival eller liknande.
4. Lag di eiga mappe eller ei Pinterest-tavle for å bli kjent med bohemsk stil.

1. Vel element og teknikkar frå bileta du liker. Desse elementa skal du bruke til å setje saman ein ny frisyre. Noter ned tankane dine i eit dokument, og grunngi kvifor du vel akkurat desse elementa og teknikkane.
2. Lag deg ei utstyrsliste over kva du treng for å gjennomføre stylinga di.
3. Skaff deg eller lag tilbehøyr du treng for å gjennomføre stylinga.
4. Øv på dei utvalde teknikkane du treng for å kunne for å lage ei heilskapleg styling. Kanskje du må øve på ei flette eller tvinneteknikk?

1. Vel ei dokke eller kunde som har ein hårlengde som kan passe.
2. Utfør styling ved hjelp av dei teknikkane du har lært deg. Bruk passande stylingprodukt og utstyr.
3. Ta bilete av sluttproduktet.

Skriv ein logg der du vurderer resultatet og arbeidsprosessen din.

Hjelpespørsmål til loggen:

• Korleis har du fått fram den bohemske stilen?
• Kva likte du med arbeidet ditt? Grunngi kvifor.
• Kva må du øve meir på? Forklar kvifor.
• Kva ville du gjort annleis? Grunngi kvifor.