Å forstå og respektere din eigen og andre sin kultur- og handverkstradisjon er ein viktig del av kulturarven. Kunnskap om handverkstradisjonar kan også inspirere deg til nyskaping i eige arbeid.

Duodji er det tradisjonelle, samiske handverket og kunsthandverket. Ein del av samisk kulturarv er å skape eigne uttrykk i naturmateriale. Vi skil mellom sløyd i harde materiale: tre, horn og bein, og mjuke materiale: stoff og skinn. Duodji er det nordsamiske omgrepet, mens sørsamisk bruker duedtie og lulesamisk duodje. Det brukast både om det å lage noko og om det som blir laga.