Smak på te
Svart te, ein eller fleire variantar
Grøn te, ein eller fleire variantar
Oolong-te, ein eller fleire variantar
Tekoppar
Kjele eller vasskokar til å koke opp vatn
Smaksskjema og noko å skrive med
Brygg dei ulike sortane med te, anten i ein kjele eller direkte i koppar. Tid og temperatur avheng av tesort, les om anbefalt tillaging på pakninga.
Alle elevane i klassen skal ha ein kopp av kvar sort med te. Noter i kvart dykkar smaksskjema etter kvar te de har smaka på.
Sjå på teen, kva farge har han?
Lukt på teen, kva luktar han?
Smak på teen mens de held dykk for nasen, korleis synest de han smakar?
Smak så på teen utan å halde dykk for nasen, korleis smakar han no?
Etter at de har smaka på all teen, kva for ein likte de best?
| Tesort | Farge | Lukt | Smak |
|---|---|---|---|
I denne oppgåva skal de bryggje svart te med ulike trekkjetider for å sjå om det er nokre forskjellar i smak etter kor lenge teen har trekt.
Trekk ein kopp svart te i 2 minutt.
Trekk ein kopp svart te i 5 minutt.
Trekk ein kopp svart te i 8 minutt.
Smak på alle koppane, er det nokon forskjell i smak?
Lag dykkar eigen urtete i klassen ved å plukke ulike typar blad og urter i skulen sitt nærområde eller ta med heimanfrå. Denne oppgåva passar best å gjere om våren.
Urter og blad som eignar seg: blad frå bringebær, solbær, nype, jordbær, blåbær, tyttebær, brennesle, løvetann, mynte, sitronmelisse, hylleblom, kamille, timian, salvie og rosmarin, og granskot.
De kan nytte blada ferske eller tørke dei. Blada bør tørkast kvar for seg i ein omn over natta på 40 °C, i ein dehydrator eller ved å hengjast opp til tørk. Når blada er tørka, kan dei knusast i litt mindre bitar og eventuelt bli blanda. Oppbevar dei tørka blada i ein lufttett boks.
Til ein kopp te kan de nytte ca. 1–2 ts tørka blad eller ei handfull friske blad. La trekkje i vatnet i ca. 5 minutt.
Søk etter oppskrifter på nettet og finn ei oppskrift som de synest ser freistande ut. Lag isteen, smak til og server i fine glas til medelevar.