Oppgåve

Smak på kaffi

Smaken av kaffien avheng av kvar han kjem frå, korleis han er framstilt, og bryggjemetode. I denne oppgåva skal du lukte og smake på kaffi som er bryggja på ulike måtar, og kaffi som har ulike opphavsland, og sjå om det er nokon forskjellar.

Ein mann står ved eit bord og vurderer ulike sortar kaffi som er nummererte. Foto. — Bilete: Paulo Whitaker / CC BY-NC-SA 4.0

Del 1: Teori

Les artikkelen om kaffi og svar på desse spørsmåla:

Kvar kjem kaffi frå?
Korleis blir kaffi framstilt frå råvare til ferdig drikk?
Kva er forskjellen på kokmalen, filtermalen, presskannemalen kaffi og pulverkaffi?

Del 2: Smak og sensorikk

Utstyr som trengst

kaffitraktar
vasskokar
kaffikjele
presskanne
kaffikvern (kan sløyfast)
kaffikoppar

Råvarer som trengst

filtermalen kaffi
kokmalen kaffi
presskannemalen kaffi
pulverkaffi
heile bønner
kaffi frå to ulike opphavsland (valfri malingsgrad og bryggjemetode)

Oppgåve 1: Smak på kaffi laga med ulike bryggjemetodar

På butikken kan du kjøpe kaffi mellom anna som heile bønner, filtermalen, kokmalen, presskannemalen eller pulverkaffi. Målingsgraden avheng av korleis kaffien skal bryggjast. Læraren viser korleis dei ulike typane kaffi skal lagast, og viser korleis kaffitypane ser ut i pulverform. Kvar elev får ein kopp med ferdig laga kaffi av dei ulike typane.

Start med å lukte på kaffien. Kva luktar han? Luktar han mykje eller lite? Noter i skjemaet.
Smak så på kvar kaffi. Smakar han syrleg, bittert, søtt eller noko anna? Noter.
Kva synest du smakar best?

Smaksskjema kaffi

Bryggjemetode	Lukt	Smak
Kokekaffi
Filterkaffi
Presskannekaffi
Pulverkaffi

Oppgåve 2: Smak på kaffi frå ulike land

Brygg kaffi frå to ulike opphavsland. Kaffien skal bryggjast med same metode.

Start med å lukte på kaffien, luktar dei to ulikt?
Smak på dei to kaffitypane, er det nokon forskjellar i smak?

Kaffi frå ulike land

Opphavsland	Lukt	Smak