Solbær
Berre ein liten del av det som blir dyrka av solbær i dag, blir omsett i frisk tilstand, sidan mykje går til safting og sylting i næringsmiddelindustrien.
Bruksområde
Solbær kan etast naturelle til dessert med sukker, til is eller med mjølk. Solbær kan nyttast til syltetøy, saft og gelé. Solbær er godt i pai saman med andre bær. Solbær er fine å lage vin og likør av og kan også frysast.
Kvalitetskrav
Solbær skal vere velutvikla og mørke i fargen. Dei skal vere tørre og reine. Solbær skal ikkje ha trykkskadar eller flekker.
Næringsinnhald
Solbær inneheld mykje antioksidantar, mellom anna C-vitamin, flavonoidar og antocyanin i tillegg til noko mineral.
Sjå Matvaretabellen frå Mattilsynet for nærare opplysningar om næringsinnhaldet.
Hugselappen
Norsk sesong:
juli–august
Med andre ord:
latin: Ribes nigrum
engelsk: blackcurrant
tysk: schwarze Johannisbeere
fransk: cassis
Lagring:
2–4 ºC i kjøleskåp. Kan lagrast i 2–4 dagar.