Hopp til innhald
Oppgåve

Profilering på nett

I denne oppgåva skal du samanlikne to bedrifter som har deg som ungdom som målgruppe. Du skal vurdere korleis dei profilerer seg i sosiale medium.
Hand som held ein mobiltelefon med mange appar for sosiale medium. Foto.
Bilete: Jens Büttner / CC BY-NC-SA 4.0

Bedrifter bruker sosiale medium til å profilere seg på nett. Målsetjinga bedrifta har med profileringa er å byggje ei sterk merkevare. Ei sterk merkevare har desse kjenneteikna:

  • speler på kjensler

  • skaper tilhøyrsel

  • byggjer identitet

  • viser at du er trendy

  • knyter seg til forteljingar

  • oppfyller draumar

Oppgåve

Vel to bedrifter du kjenner til, som har ungdom som målgruppe. Du skal deretter samanlikne reklamen til bedriftene på sosiale medium etter dei følgjande kriteria:

  1. Bedrifta skaper tilhøyrsel ved å vise ungdom på bilete og i video.

  2. Bedrifta bruker influensarar eller rollemodellar.

  3. Bedrifta verkar trendy, oppdatert, moderne.

  4. Bedrifta er oppteken av saker som ungdom er opptekne av.

  5. Bedrifta fortel historier om ungdom.

Etter at du har samanlikna reklamen til bedriftene, skal du reflektere over korleis og kvifor dei profilerer seg på ulike måtar.