Økonomi er eit omfattande tema med pengar som fellesnemnar. I budsjettet planlegg vi kor mykje vi kjem til å tene, og kva vi skal bruke pengane på. I mange bedrifter er lønn ein stor kostnad. Ved årsslutt lagar vi ein rekneskap og vurderer han opp mot budsjettet.

Ein rekneskap viser ei oversikt over inntekter, kostnader, eigedelar og gjeld. Når du har ført rekneskapen, vil du få fram resultatet til bedrifta di. Resultatet viser om du har gått med overskot eller underskot. Rekneskapen gir deg dermed ein peikepinn på den økonomiske situasjonen til bedrifta.