Dette spørsmålet høyrer vi ofte. For kva skal folk gjere i ferien? Skal dei reise bort, eller skal dei ha ein «staycation»? Ferie i Noreg eller i utlandet? Telttur eller hotell? Med venner eller med familie? Åleine, kanskje?
Oppdrag
Kommunen treng ei oversikt over ferieplanane til ungdom i aldersgruppa 16–18 år. Dei har bede klassa dykkar om hjelp til å skaffe denne oversikta. Dei spør om de kan lage, gjennomføre og analysere ei undersøking om ferieplanane til elevane på skulen dykkar.
Førebuingar – i klassa
- Undersøkinga skal vere i intervjuform.
- Diskuter i klassa kva spørsmål de kan stille. Tenk på korleis de best mogleg kan utforme spørsmåla slik at det blir enkelt å analysere svara.
- Utform eit intervjuskjema saman, anten på papir eller digitalt.
- Bli samde om kor mange medelevar de skal intervjue. Kanskje tre kvar?
Gjennomføring – individuelt
- Gjennomfør intervjua i friminutta, når alle har fri.
- Gå gjennom svara du får inn, og skriv ei oppsummering av det du har funne ut.
Sluttføring – i klassa
- Presenter funna dykkar i klassa.
- To i klassa må ta på seg sekretærrolla og skrive oppsummeringane så oversiktleg som mogleg.
- Lag ein presentasjon av funna dykkar.
- Kva ferieplanar har elevane på skulen dykkar?
Relatert innhald
CC BY-SASkrive av Cathrine Meyer Johansen.
Sist fagleg oppdatert 03.06.2020