Slik gjer du marknadsundersøkingar

Gode marknadsundersøkingar gir bedrifta di ei retning. Dei hjelper deg med å følgje med på kva kundane vil ha, og kor mykje dei er villige til å betale for det. Derfor er det viktig å definere tydeleg kva undersøkinga skal gi svar på. Vidare må du arbeide systematisk og følge dei fem trinna i marknadsundersøkingsprosessen.

1. Definer målet for undersøkinga

Kva vil du vite om kundane eller marknaden din? Det første trinnet i ein marknadsundersøkingsprosess er å definere måla dine. Med andre ord: Kva er nøkkelinformasjonen du ønsker å avdekke?

Ved å først definere det du håper å finne ut, vil du kunne halde fokus og vere effektiv. Det kan til dømes avgjere om du skal lansere eit nytt produkt. Undersøkingsprosessen vil då avdekke om marknaden vil akseptere det nye produktet, og kor mykje dei er villige til å betale for det.

2. Lag spørsmål om marknaden, kundane og konkurrentane

Når du har identifisert målet, kan du utarbeide ei liste med spørsmål om marknaden, kundane og konkurrentane. Nokre døme:

3. Informasjonsinnhenting

Vi kan innhente informasjon ved hjelp av informantar som svarer på ei marknadsundersøking. Vi deler inn i kvalitativ og kvantitativ informasjon, som er informasjon som går høvesvis i djupna og breidda.

Den kvalitative informasjonen er meir undersøkande og involverer færre informantar enn i innhenting av kvantitativ informasjon. For å innhente kvalitativ informasjon bruker vi typisk fokusgrupper eller djupneintervju.

Innhenting av kvantitativ informasjon involverer mange informantar, og blir gjerne utført ved hjelp av spørjeundersøkingar.

Ei enkel "ja eller nei"-undersøking kan gjerast på telefon, men for å forstå personlege val (som smak og ønske når det gjeld fargar eller liknande) er det som regel best med eit møte ansikt til ansikt. Nokre vanlege metodar for å innhente data er telefonundersøkingar, spørjeskjema på e-post, undersøkingar på nett og personlege intervju.

Det kan òg lønne seg å bygge nettverk med andre bedriftseigarar og dele erfaringar / anonymisert informasjon.

4. Tolk og analyser funna

Ha måla dine for undersøkinga i tankane mens du ser etter måtar du kan forbetre korleis du organiserer og grupperer dataa dine på. Dette vil gjere det lettare å komme til ein konklusjon etter kvart. Kva har du oppdaga?

Eit av dei viktigaste trinna i marknadsundersøkingsprosessen er å tolke og analysere funna. Kva fortel undersøkinga deg? Ved å svare på dette spørsmålet vil du kunne få ei god forståing av det undersøkinga har avdekt.

5. Trekk konklusjonar og ta avgjerder

Hugs at du bør samanlikne alle konklusjonar med det innleiande målet for marknadsundersøkninga og dei overordna måla for verksemda. Gå over alle data du han hente inn og forsikre deg om at det ikkje er nokon hol. Vurder tendensar og problem innan industrien din / feltet ditt, analyser styrkane, svakheitene, moglegheitene og truslane. Nytt dataa til å ta avgjerder om marknadsinnsatsen din.