Rettleiing
Ta vesten
Denne leiken utfordrar reaksjonsevne og snøggleik.
Bilete: Bjørn Erik Rolseth / CC BY-SA 4.0
- Del gruppa i to lag, som stiller seg på kvar si side av salen.
- Gi elevane i begge gruppene eit tal frå 1 og opp til det talet på elevar du har. Alle elevane startar med sitt eige tal.
- Lærar eller andre stiller seg i midten og held ein vest ut i lufta. Deretter ropar den som står midt i salen ut eit tal, til dømes 7. Då skal dei som har talet 7 på begge lag, springe mot midten. Der har dei to val: anten ta vesten og prøve å nå fram til sitt eige lag igjen, eller å vente til motstandaren tek vesten, og så prøve å ta denne før hen rekk tilbake til sitt eige lag. Den som taper duellen, er ute, og nokon andre på laget må ta over talet til den som gjekk ut. Etter kvart er det fleire på laget som har mange tal dei må springe på.
Leiken held fram til eitt lag står igjen. Ein variant kan vere at dei som allereie er ute, på det laget som taper duellen, må gjennomføre enkle styrkeøvingar, som til dømes fem bukbøy.