Fagstoff

Stordata og digital dataanalyse

Stordata og digital dataanalyse gir verdifull innsikt, noko som gir verksemder fantastiske moglegheiter. I den omfattande nettaktiviteten vår veit vi at vi legg igjen mange digitale spor, men synest du det er greitt at verksemder nyttar seg av desse dataa?

Ei kvinne ser på eit digitalt diagram. Illustrasjon. — Stordata og digital dataanalyse gir moglegheit for verdifull innsikt.

Bruk av stordata for verksemder

Den teknologiske utviklinga går utruleg raskt, og i ei digital verd finst det enorme mengder data, såkalla stordata. Analyse av stordata gir verdifull innsikt for verksemder.

Det finst mange ulike verktøy som blir brukte i digital dataanalyse. Du kan til dømes bruke Google Analytics, Facebook Innsikt og Instagram Innsikt, som alle gir moglegheit til å samle inn og analysere data.

Stordata og digital dataanalyse blir brukt av mange verksemder for få informasjon om ulike målgrupper. Vi kan få informasjon om åtferda til forbrukarar på nett, for deretter å skreddarsy marknadsføringa.

Kva med oss forbrukarar?

Stordata og digital dataanalyse gir altså fantastiske moglegheiter for verksemder. Men kva med oss forbrukarar? Er det greitt at verksemder nyttar seg av desse dataa?

Ei kvinne blir skanna med ansiktsattkjenning. Illustrasjon. — Det er viktig å opptre etisk forsvarleg i arbeid med stordata og digital dataanalyse. Det må vere gode rutinar og køyrereglar for å hente inn og handtere data.

Podkastepisode

I podkastepisoden nedanfor blir Sindre Beyer, som er leiar
i kommunikasjonshuset TRY Råd, intervjua. Podkastepisoden kjem mellom anna inn på tema som omhandlar marknadsundersøkingar, digital dataanalyse og fordelar og ulemper med stordatasanking.