Eltetid på gjærdeig

Lag ein gjærdeig av

• 800 g sikta kveitemjøl
• 5 dl vatn (ca. 20 °C)
• 25 g fersk gjær (eller 10 g tørrgjær)
• 10 g salt

Bland saman alle ingrediensane og elt deigen ved sakte fart i ca. 2 minutt og deretter ved større fart i ca. 2 minutt. Kjenn på deigen og vurder om han verkar elastisk og smidig. Set deigen til heving tildekt i 30 minutt.

Lag så deigemne på 120 g og trill dei til runde bollar. Vurder om deigen er god å jobbe med. Kvil deigemna under eit klede i 10 minutt før du formar dei til avlange bagettar, set dei på ei smurd plate og set dei til etterheving. La dei heve til dobbel storleik før du steikjer dei i forvarma omn.

1. Var deigen god å jobbe med?
2. Kor lang tid måtte bagettane heve før dei var klare til steiking?
3. Vart resultatet bra?

Lag ein gjærdeig av

• 800 g sikta kveitemjøl
• 5 dl vatn (ca. 20 °C)
• 25 g fersk gjær (eller 10 g tørrgjær)
• 10 g salt

Bland saman alle ingrediensane og elt deigen ved sakte fart i ca. 4 minutt og deretter ved større fart i ca. 8 minutt. Kjenn på deigen og vurder om han verkar elastisk og smidig. Set deigen til heving tildekt i 30 minutt.

Lag så deigemne på 120 g og trill dei til runde bollar. Vurder om deigen er god å jobbe med. Kvil deigemna under eit klede i 10 minutt før du formar dei til avlange bagettar, set dei på ei smurd plate og set dei til etterheving. La dei heve til dobbel storleik før du steikjer dei i forvarma omn.

1. Var deigen god å jobbe med?
2. Kor lang tid måtte bagettane heve før dei var klare til steiking?
3. Vart resultatet bra?

1. Kva for ein av framgangsmåtane gav mest elastisk deig?
2. Var det nokon forskjell på kor lang tid bagettane måtte etterheve for å nå dobbel storleik?
3. Kva for ein av framgangsmåtane gav best resultat?