Ein butterdeig er ein lagdelt deig der hovuddeigen ikkje inneheld gjær. Det er lagdelinga mellom smør og deig som gjer at produktet hevar seg. I ein butterdeig kjevlar og brettar vi slik at ein har omtrent 256 lag med deig/smør.
Butterdeig
Framgangsmåte
- Bland forsiktig saman alle ingrediensen med eltemaskin, tresleiv eller for hand.
- Sett deigen på kjøl, og la han stå der mens du klappar smøret til ein firkant.
- Kjevle så deigen til ein firkant som er litt større enn smøret.
- Brett inn smøret slik at det er like mykje deig under smøret som over.
- Kjevle deretter deigen slik at du kan brette deigen i fire lag.
- La deigen kvile i kjøleskap i minst 20 minutt.
- Ta ut deigen og gjenta prosedyren tre gonger.
- Deigen blir best å jobbe med om han får kvile til neste dag på kjøl.
CC BY-SASkrive av Einar Martin Kålen.
Sist fagleg oppdatert 21.10.2020