Livet på jorda er i stadig forandring. Nokre artar døyr ut, mens nye artar blir utvikla. Nøkkelen til utvikling og evolusjon ligg i evna organismane har til å formeire seg. Berre gjennom vellykka formeiring kan ein art overleve på lang sikt. Plantar og dyr har utvikla mange måtar å formeire seg på.

Eit nytt menneske blir utvikla frå ei befrukta eggcelle. Under befrukting blir ei sædcelle overført frå kjønnsorgana til mannen til ei eggcelle i kjønnsorgana til kvinna. Dette skjer vanlegvis ved samleie. Eit samleie handlar ikkje berre om formeiring. Det gir òg lystfylt seksuell stimulering.