Livet på jorda er i stadig forandring. Nokre artar døyr ut, mens nye artar blir utvikla. Nøkkelen til utvikling og evolusjon ligg i evna organismane har til å formeire seg. Berre gjennom vellykka formeiring kan ein art overleve på lang sikt. Plantar og dyr har utvikla mange måtar å formeire seg på.

Plantane har utvikla formeiringsstrategiane sine frå eit liv i vatn til eit liv på land, og dei formeirar seg både ukjønna og kjønna. Sjølv om danninga av frø og sporar kanskje ikkje er så spektakulær, har plantane utvikla mange fascinerande metodar for å spreie desse!