Organismane i eit økosystem inngår i eit samspel med kvarandre og miljøet dei lever i. Dette dannar grunnlaget for eit mangfald av artar og økosystem. Kvifor er dette mangfaldet viktig, og korleis skal vi ta vare på det i møte med truslar som klima- og arealendringar?

Biologisk mangfald er viktig for at økosystema skal fungere og at kvar art speler rolla si. Mangfaldet er grunnlaget for livet vårt og gir oss mat, medisinar og opplevingar. Men har naturen ein verdi i seg sjølv òg –berre ved å eksistere? I så fall: Kva er eigenverdien til naturen?