Dokumentarfilm
Spaceship Earth
Spaceship Earth er ein utruleg dokumentar om eit eksperiment frå 1991, der åtte menneske skulle leve i ein lukka biosfære i to år.
I 1987 byrja arbeidet med å byggje ein enorm kopi av økosystemet på jorda i eit laboratorium i Arizona. I denne lukka biosfæren fanst alt frå regnskog til korallrev. Hensikta var å utforske moglegheita for å kunne nytte slike biosfærar på andre planetar i framtida.
For å teste dette ytterlegare vart det gjort eit eksperiment i 1991, der åtte menneske skulle leve heilt sjølvforsynte i den lukka biosfæren i to år. Denne dokumentaren følgjer den utrulege reisa til desse menneska inn i den to-årige isolasjonen frå omverda.
Spaceship Earth vart nominert til Grand Jury Prize på Sundance Film Festival i 2020.
Relatert innhald
Oppgåver og aktivitetar
Oppgåver til filmen Spaceship EarthFilm om åtte menneske som forlèt verda utanfor og stengjer seg inne i ein kopi av biosfæren til jorda: Biosphere 2.