Kva er kriminalitet?

Opne bilete i eit nytt vindauge

CC BY-NC

Bilete: Berit Roald

Kriminalitet er brot på lover, og den som bryt lovene, kan risikere straff frå offentlege styresmakter viss ho eller han blir oppdaga.

Det er ikkje lett for små barn å forstå kva som er rett eller gale.

• Kvifor er det ikkje lov til å skrive på veggen utanfor butikken?
• Kvifor er det ikkje lov til å bruke vald?
• Kvifor er det ikkje lov til å ta med seg det ein vil frå butikken?

Alt dette må barn lære. Det er viktig at foreldre og tilsette i barnehagar og skular i fellesskap hjelper barna til å forstå kva som er rett og gale. Her er rolla di som fagarbeidar viktig.

Teikningar og måleri på vegger som er utførte av ulike kunstnarar, kan berike eit miljø og blir kalla graffiti. Tagging er skriving av bokstavar. Tagging blir rekna som hærverk og er forbode. Kva trur du er forskjellen mellom dei to bileta under?

Opne bilete i eit nytt vindauge

CC BY-NC-SA

Bilete: Oliver Raupach

Opne bilete i eit nytt vindauge

CC BY-SA

Bilete: Guri Bente Hårberg

I Noreg, som i dei aller fleste andre land i verda, har vi noko som heiter kriminell lågalder. Den kriminelle lågalderen er i Noreg sett til 15 år. Det betyr at personar under 15 år ikkje kan bli straffa for kriminelle handlingar. Det betyr likevel ikkje at dei kan gjere kva dei vil, men at vi har andre moglegheiter for å handtere ungdommar som gjer seg skuldige i kriminelle handlingar.

Les meir om den kriminelle lågalderen på sida Den kriminelle lavalder (ung.no).

Om du går til sida Kriminalitet (ung.no), vil du finne opplysningar om kriminalitet som vil vere til god hjelp når du skal jobbe med dette emnet. Vi tilrår at du bruker god tid på denne sida.