Hopp til innhald

Oppgåver og aktivitetar

Kundeservice og kunderelasjonar

Kva vil det seie å meistre kunsten kundeservice? Gode kunderelasjonar løner seg, og det er fleire måtar å pleie relasjonane til kundane på.
Foto av ein smilande mann med hovudtelefonar framfor ein open pc.
God service har betydning for kor tilfredse kundane blir, og legg grunnlaget for langsiktige og lønsame kunderelasjonar.
Begrensa bruk
Bilete: Shutterstock, NTB

Oppgåve 1

Kva blir oppfatta som god kundeservice? Diskuter ut frå konkrete døme.

Oppgåve 2

Sjå videoen "Kunsten med kundeservice" nedanfor. Legg spesielt merke til kva dei i filmen meiner er avgjerande for at kundar skal oppleve kundeservicen som god. Skriv ned medan du ser filmen.

Caspar Alvin Rieber-Mohn, digital rådgivar, og Linn Stang Ingebrigtsen, servicemedarbeidar, fortel om kva som er viktig for å gi god kundeservice.
CC BY-NC-SA
Video: Filmkonsulentene

Oppgåve 3

I videoen "Kunsten med kundeservice" kan du mellom anna høyre om kor viktig det er å kunne "lese mellom linjene" i kommunikasjonen med kundane. Gjer greie for kva som blir meint med dette.

Oppgåve 4

Samtalerobotar, også kalla chat-robotar eller chatbots, nyttar kunstig intelligens. Fleire bedrifter nyttar denne typen løysing som eit serviceelement i kundeoppfølginga si.

  1. Drøft fordelar og ulemper med bruk av samtalerobotar.

  2. Diskuter om samtalerobotar kan etterlikne menneskeleg intelligens på ein måte som bidreg til god kundeservice.

Oppgåve 5

Skriv eit refleksjonsnotat med tittelen "Kunsten med kundeservice" der du reflekterer over kva det vil seie å meistre kunsten kundeservice i praksisbedrifta di.

CC BY-SASkrive av Elisabeth Thoresen Olseng.
Sist fagleg oppdatert 12.01.2022

Læringsressursar

Kundeoppfølging