Hopp til innhald
Oppgåve

Kundeoppfølging og kundetilfredsheit

God kundeoppfølging kan gi fornøgde og lojale kundar og gjestar, som igjen kan gi meirsal og gjensal. I denne oppgåva skal de jobbe med kundeoppfølging og kundetilfredsheit.
Smilande servicemedarbeidar som tek imot ein førespurnad på telefon. Foto.
God kundeoppfølging er viktig for å skape kundetilfredsheit. Bilete: Corbis / CC BY-NC-SA 4.0

Oppgåve 1

Diskuter med ein medelev:

  1. Kva blir meint med kundeoppfølging, og kva kjenneteiknar vellykka kundeoppfølging?

  2. For kva slags bedrifter er kundeoppfølging og kundeservice spesielt viktig?

  3. Korleis kan digitale kundeoppfølgingssystem vere nyttige i arbeidet for meirsal og gjensal?

  4. Kvifor kan nokre kundar kvi seg for å melde seg inn i kundeklubbar eller oppgi kontaktinformasjon til bedrifter?

Oppgåve 2

Gi døme på ei eller fleire verksemder du/de meiner lykkast med god kundeoppfølging. Grunngi kvifor du/de meiner desse har god kundeoppfølging.

Oppgåve 3

Kva reglar gjeld for kundeoppfølgingssystem i samsvar med personopplysningslova og GDPR?

Relatert innhald

Fagstoff
Personopplysingslova

Personopplysingslova fortel kva det er lov til å registrere om privatpersonar, og korleis personopplysingar skal handsamast. Lova er tilpassa GDPR.

Oppgåve 4

Forskingsprosjektet Norsk kundebarometer ved Handelshøyskolen BI gjennomfører ei årleg undersøking som måler kundetilfredsheit og lojalitet blant norske forbrukarar. Gå inn på Norsk kundebarometer for å sjå topp-10-lista over bedrifter som har lykkast med å begeistre kundane sine.

  1. Vel ut minimum to av bedriftene på topp-10-lista. Utforsk og gjer greie for korleis bedriftene jobbar med kundeoppfølging, og kvifor bedriftene lykkast i å skape kundetilfredsheit og lojalitet.

  2. Lag di eiga liste med overskrifta "10 tips til god kundeoppfølging".

Oppgåve 5

Drøft påstandane:

  1. "God kundeoppfølging er avgjerande for alle bedrifter for å skape kundetilfredsheit."

  2. "Utan god kundeoppfølging klarer vi ikkje å skape meirsal og gjensal."

  3. "Kundeoppfølging i form av e-postar og sms-ar frå bedrifter opplevast som irriterande for kundane og bør derfor ikkje brukast."

  4. "Ein kundedatabase til bruk i kundeoppfølging er den mest verdifulle eigedelen til bedrifta."