Oppgåve
Å bryte normer knytte til kjønn og seksualitet
Det å bryte kjønnsnormer anten i form av seksualitet eller kjønnsuttrykk er stadig meir akseptert i samfunnet i dag, men mange møter likevel fordommar og diskriminering.
Bilete: Bruno Domingos / CC BY-NC-SA 4.0
- Diskuter korleis det er å "komme ut" eller stå fram som forskjellig enn fleirtalet når det gjeld kjønn og seksualitet. Kva trur de kan vere det aller vanskelegaste?
- Korleis er det på skulen din eller i lokalmiljøet ditt? Er det eit miljø der det er akseptert og trygt å vere noko anna enn heterofil gut eller jente? Kvifor/kvifor ikkje?
Sjå dokumentarfilmen Alt om min far. Filmen handlar om Esben Esther Pirelli Benestad. Pirelli Benestad er ein av få opne transpersonar i Noreg. Han er ein far som oppfattar seg sjølv som både kvinne og mann. Filmen er regissert av sonen, Even Benestad.
Filmen er over litt over 1 time lang. Viss du ikkje rekk å sjå heile, kan det vere greitt å sjå frå ca. 23 minutt uti filmen og 20 minutt fram.
- Pirelli Benestad snakkar om "overflate" når det gjeld kjønnsuttrykk. Kva meiner hen med det?
- Filmen tek opp vanskelege spørsmål, som forskjellen på det vere ein mann som som kler seg som ei kvinne, og det å vere ein mann som også er ei kvinne. Kva er forskjellen, trur du?
- Handlar kjønn mest om subjektive kjensler, biologi og medfødde forskjellar, eller om normene og kulturen i samfunnet? Grunngi svaret.
- Korleis ville du sjølv reagert om nokon i den næraste familien din eller omgangskrins ønskte å bryte kjønnsnormene så tydeleg som Espen gjer når han blir til Esther Pirelli? Kvifor trur du at du ville reagert slik?
- Kva betyr det å akseptere at nokon er annleis når det gjeld kjønn og seksualitet? Nemn minst to konkrete døme.