Gjennomfør ein enkel elektrolyse av vatn der du brukar ein indikator for å påvise reaksjonar ved elektrodane.
Utstyr
- BTB eller lakmus
- begerglas, 250 mL
- papp-bit som passar i begerglaset
- spenningskjelde
- ledningar
- karbonelektrodar
Framgangsmåte
- Fyll begerglaset med vatn, tilset indikator og set papp-biten på tvers av begerglaset.
- Sett elektrodane på kvar si side av papp-biten, og koble til spenningskjelden.
- Slå på spenningskjelden. I tillegg til den forventa gass-produksjonen ved elektrodane, vil du få ei fargeendring som følgje av endring i pH. Dei to indikatorane vil gi forskjellige fargar.
- Restar kan tømmast ut i vasken og skyljast ned med vatn.
Ein veldig fin måte å vise fram elektrolyse på, både i naturfag og kjemi. Spesielt i kjemi vil ein kunne bruke fargeendringa til å forklare danninga av syre og base som skjer ved kvar elektrode som følgje av redoks-reaksjonane som oppstår.
CC BY-SASkrive av Bjørn Eidem.
Sist fagleg oppdatert 19.02.2019