Maten vi et, kan verke både positivt og negativt inn på helsa vår. Eit sunt kosthald kan bidra til å førebyggje livsstilssjukdommar, og for enkelte sjukdomstilstandar er måltida ein viktig del av behandlinga.

For at du skal kunne planleggje, lage og leggje til rette måltid i tråd med dei nasjonale tilrådingane om ernæring og kosthald, må du ha god innsikt i nettopp desse råda frå helsestyresmaktene. Eit sunt og variert kosthald kan fremje helse og førebyggje sjukdom.