Hopp til innhald

Oppgåver og aktivitetar

Fotballrettar og medieøkonomi

Fotball har blitt ein kommersiell aktivitet der spelarar blir kjøpte og selde. Ei viktig inntektskjelde for klubbar og forbund er sal av TV-rettar. For kommersielle mediekonsern er fotball ei attraktiv salsvare som tiltrekkjer seg sponsorar og gir reklameinntekter.
Ein mann ser fotball på TV og viftar med knyttneven i jubelrus. I den andre handa held han ein svart og kvit fotball. TV-en viser nærbilete av ein liknande fotball som treffer nettet i målet. Foto.
Opne bilete i eit nytt vindauge
CC BY-NC
Bilete: Andrey Popov

Oppgåve 1: Finn informasjon om TV-rettar

  1. Kven har rettane til å vise Premier League-kampar i Noreg, og kva er prislappen på slike rettar?

  2. I 2020 kjøpte TV 2 TV-rettane til norsk fotball for åra 2023–2028 for 4,5 milliardar kroner. Det er mange pengar! Kvifor er det viktig for ein kommersiell TV-kanal å skaffe seg slike rettar?

  3. Korleis er forholdet mellom verdien av herrefotball og verdien av damefortball som salsprodukt? Søk etter nyare informasjon som belyser dette spørsmålet.

Oppgåve 2: Diskuter i klassen

  1. Bør kvinnefotball og herrefotball blir sidestilte når rettar til ei fotballturnering er på sal?

  2. Idrettar som får lite merksemd i media, får svært lite ressursar. Kva konsekvensar kan dette få for rekruttering til idretten?

  3. I forbindelse med Fotball-VM i Qatar i 2022 har det vore kontinuerlege diskusjonar om korrupsjon og menneskerettar.

  • Finn ut kven som har diskutert saka, og kva argument ulike partar har stått for, både i Noreg og internasjonalt.

  • Bør Noreg boikotte idrettsarrangement når det er fremja skuldingar om korrupsjon eller brot på menneskerettane?

  • Bør norske TV-kanalar dekkje slike meisterskapar?

CC BY-SASkrive av Ragna Marie Tørdal.
Sist fagleg oppdatert 12.05.2021

Læringsressursar

Norsk mediepolitikk og medieøkonomi