FNs 17 berekraftsmål er eit felles oppdrag til alle land i verda om å få til berekraftig utvikling. Kvart mål definerer eit område som vi må jobbe med.
Oppgåve
Del 1: Finn og vel eit problem
Les om berekraftsmåla. Sjå først over alle måla. Klikk så på kvart mål og få med deg konkret informasjon om kvart problemområde, i tillegg til fleire delmål:
- Vel deg eit mål som du synest verkar relevant til studieprogrammet ditt. Du kan velje eit delmål eller eitt av hovudmåla. Tenk på kva kunnskapar og evner du har med deg frå yrkesfaga dine som kan vere nyttige når du skal løyse problemet.
- Når alle har valt eit mål, kan de dele dette i klassen. Bli einige om eitt mål som de kan finne løysingar på ved hjelp av fagkompetansen som de sit med.
Døme på delmål som kan brukast
Under mål nr. 3, "God helse":
3.6) Innan 2020 halvere talet på dødsfall og skader i verda forårsaka av trafikkulykker.
Under mål nr. 5, "Likestilling mellom kjønna":
5.b) Styrkje bruken av tilpassa teknologi, særleg informasjons- og kommunikasjonsteknologi, for å styrkje stillinga for kvinner.
Under mål nr. 12, "Ansvarleg forbruk og produksjon":
12.5) Innan 2030 betydeleg redusere avfallsmengda gjennom forbod, reduksjon, gjenvinning og ombruk.
Del 2: Kva slags løysingar kan de bidra med?
- Del inn i grupper. Bli einige om reglar for gruppa ved å ta ein runde der alle beskriv kva dei treng for at gruppearbeidet skal fungere. Skriv ned det de blir einige om.
- Diskuter først problemet og situasjonen slik han er i dag.
- La kvar gruppemedlem skrive ned nokre tankar om løysingar på desse problema. Bruk fem minutt på dette.
- Del tankane i gruppene – alle får to minutt kvar til å beskrive ideane sine.
- Korleis kan fagkunnskapen dykkar bli brukt til å kome opp med gode løysingar? Søk etter relevant informasjon frå fagbøker og elektroniske kjelder som de vurderer som gode.
- Kom fram til eit felles forslag til løysing.
Del 3: Presenter løysinga på ein overtydande måte
- Presenter løysinga dykkar for klassen.
- Bruk denne sjekklista for presentasjonen til å gi kvarandre tilbakemeldingar:
- Løysingane er konkrete og gjennomførbare.
- Gruppa har brukt fagkunnskap på ein god måte.
- De får fram ideane på ein tydeleg måte.
- Presentasjonen skaper engasjement.
- De verkar truverdige som fagpersonar.
Nyttige ressursar
Du får tips om korleis du kan lage ein god munnleg presentasjon i desse ressursane: