Fagstoff

Heilskap, harmoni og dynamikk

Komposisjon handlar om å setje saman delar til ein estetisk eller harmonisk heilskap.

I arbeid med ein komposisjon må ein jobbe grundig med forskjellige fargar og formar slik at komposisjonen får heilskap, balanse og dynamikk.

CC BY-NC

Bilete: Andrey Popov

Ikon av menneske som står, går og spring. Illustrasjon. — Når du utformar ein serie med ikon, bør du skape ein heilskap over ikona ved at dei har lik utforming, til dømes bør dei alle ha anten avrunda eller spisse kantar.

Heilskap

Einskap inneber at vi opplever komposisjonen som ein heilskap. Vi kan til dømes oppnå heilskap ved å gjenta ei form eller ein farge regelmessig eller uregelmessig, nesten som i musikk.

Kvit kjole og svart dress på ein bryllaupsinvitasjon. Illustrasjon. — I ein invitasjon til eit bryllaup vil kunden truleg ha eit design som skal stå i stil til bryllaupet. Då er det viktig at designaren set seg inn i kva element, stil og fargar som ofte er brukt i ei slik utforming.

Gode designprodukt har eit heilskapleg formuttrykk. Du formidlar noko i produkta eller arbeida dine. Nokre gonger ønskjer oppdragsgivaren eit leikent uttrykk i reklamen sin. Andre gonger ønskjer oppdragsgivaren ein meir klassisk og stilrein reklame til produktet sitt.

Dersom du vil lage noko som uttrykkjer glede, bruker du gjerne sterke og lyse fargar. Tilfører du fargar som skil seg ut ved at dei er dystre og triste, blir denne heilskapen broten ned.

Nordlys. Foto. — Forma på Nordlyset skaper dynamikk og kraft i eit bilete.

Harmoni og dynamikk

Harmoni og dynamikk er motsette prinsipp. Dynamikk handlar om rørsle og kraft. Harmoni står for ro, balanse og samklang.

CC BY-SASkrive av Hanne Merethe Riskedal Staurland.

Sist fagleg oppdatert 22.09.2020

Heilskap, harmoni og dynamikk

Heilskap

Harmoni og dynamikk

Reglar for bruk