Denne filmen handlar om beiting og kulturlandskap. Vi møter ein bonde og får sjå korleis han utnyttar areala rundt garden til beite. I filmen forklarer han kvifor han meiner det er viktig å ha dyra på beite. I filmen treffer vi også ein forskar som fortel om beitemark.
Oppgåve A: Omgrep som er brukte i filmen
Kva er:
- beite?
- beitemark?
- fulldyrka areal?
- vegetasjon?
- kjøtkvalitet?
- dyrevelferd?
- ravinelandskap?
Oppgåve B: Fakta frå filmen
- Kva slags areal bruker dei til beite på denne garden?
- Kva skjer med vegetasjonen når vi ryddar eit nytt beite?
- Kva er det dyra et når dei beiter?
- Beitemarker kan vera artsrike. Kva er årsakene til det?
- Korleis vert kjøtkvaliteten påverka av at dyra går på beite?
- Kva har beite å seia for dyrevelferda?
Oppgåve C: Kvifor skal vi ha dyra på beite?
Set opp ei liste over dei argumenta som kjem fram i filmen, for å ha dyr på beite.
Oppgåve D: Finn ut meir
Vi skil mellom utmarksbeite og innmarksbeite.
- Kva er forskjellen på dei to typane beite?
- Er det innmarksbeite eller utmarksbeite vi ser i denne filmen?
Oppgåve E: Diskuter!
- Kva er eit kulturlandskap? På kva måte påverkar beiting kulturlandskapet?
- I filmen vert det sagt at fulldyrka areal ikkje bør brukast til beite. Kvifor ikkje?
- Korleis kan bruken av beite vera ein berekraftig måte å produsera mat på?
CC BY-SASkrive av Ragnhild Kjeldsen.
Sist fagleg oppdatert 26.10.2017