Vi driv med husdyrhald og planteproduksjon i heile landet, men det er berre 3,5 prosent av arealet i Noreg som er i bruk som jordbruksareal. I dette emnet lærer du om dei ulike produksjonane i norsk jordbruk.

Saueproduksjon har lange tradisjonar i Noreg, og i dag utgjer sauekjøtt cirka 8 prosent av den totale kjøttproduksjonen. Saueproduksjon baserer seg hovudsakleg på grovfôr og beite, og norske sauer hentar mykje av fôret sitt i utmarka. I dette emnet lærer du om fôring, stell og reproduksjon av sau.