24. Spenningskontroll, utkopling og sikring
Korleis gjennomfører du utkopling og sikring?
Arbeid på elektriske anlegg, både fråkopling og arbeid under spenning (AUS), krev nøye planlegging og strenge sikkerheitsprosedyrar for å beskytte både arbeidstakarar og utstyr. Ved utkopling og sikring mot utilsikta tilkopling gjeld dei same grunnleggande trinna som ved arbeid på fråkopla anlegg. Men justeringar må tilpassast metoden som blir brukt.
Når det gjeld AUS, blir ikkje anleggsdelar kopla ut. I staden blir spenningsførande komponentar som ikkje skal berørast, nøye tildekte på same måten som ved fråkopling. Det reduserer risikoen.
Verktøy og beskyttelse
Når du jobbar med spenningsførande delar, må du bruke verktøy som er tilpassa elektriske anlegg. Probespissen på spenningstestaren må vere utforma slik at han er sikker å bruke. Verktøyet må òg ha isolasjon som går heilt fram til arbeidsflata. Slikt verktøy er handtaksisolerte skrutrekkarar, fastnøklar, pipenøklar og liknande.
Hugs at handtaksisolert verktøy ikkje eignar seg til bruk inne i tavler og kabelskåp. Verktøy som du bruker der, må ha god nok isolasjon og vere spesifikt laga for den typen arbeid. Det er for å hindre at det oppstår utilsikta kontakt med spenningsførande delar.
Arbeid utanfor tavler og kabelskåp
Når det er mogleg, skal du utføre oppgåver med avisolering, tilpassing av leiarar og påpressing av kabelsko utanfor tavla eller kabelskåpet.
Det reduserer risikoen for utilsikta kontakt med spenningsførande delar i eit lukka og potensielt farleg miljø.
Refleksjonsspørsmål
Kvifor er det viktig å bruke verktøy med isolert handtak ved arbeid på elektriske anlegg?
Kva er forskjellen på prosedyrar ved arbeid på fråkopla anlegg og arbeid under spenning (AUS)?
Korleis kan feil bruk av verktøy føre til fare på arbeidsplassen?
Kvifor bør du utføre arbeid med avisolering og tilpassing av leiarar utanfor tavler og kabelskåp?
Test deg sjølv:
Svar på nokre spørsmål og sjå kva du hugsar av innhaldet i artikkelen.