Produksjon av pinnekjøtt

Name: Produksjon av pinnekjøtt
Uploaded: 2018-06-12T05:49:44.948Z
Description: Produksjon av pinnekjøtt

Pinnekjøtt er ein tradisjonell norsk rett laga av salta og tørka ribbe av sau eller lam. For mange er dette ein fast favoritt i jula. Skal du lage pinnekjøttet sjølv, må du starte førebuingane i god tid før jul. I denne filmen (lengde 1:00) viser vi deg korleis du gjer det.

Video: Haakon Melsom / CC BY-NC-SA 4.0

Framgangsmåte

Vel saltemetode. Lammesida kan saltast på to måtar:
- tørrsalting, i 100 % vacuumsalt (koksalt)
- lakesalting, der salt er utblanda i vatn (20–24 grader Baumé)
Konserveringa av pinnekjøttet i filmen blir gjord slik:

tørrsalting i kjølerom i 4–5 døgn
avskyljing av overflødig salt
eventuelt kaldrøyking 15–25 grader i 3–5 timar
tørking/modning i maks 15 grader i 3–5 veker

Tillaging av pinnekjøtt

Pinnekjøttet må vatnast ut før damping. Utvatningstida er avhengig av kor mykje kjøttet er salta og tørka og tjukna på kjøttstykka. Det er vanleg å vatne ut mellom 12–30 timar. Byt gjerne vatnet ein gong undervegs.
Legg bjørkepinnar eller ei rist i botnen av ei gryte. Fyll på vatn til det står rett under pinnane/rista. Legg pinnekjøttet over, legg på lokk og la kjøttet dampkoke i 2–3 timar, eller til kjøttet losnar frå beina. Pass på at det alltid er litt vatn i botnen av gryta. Pinnekjøttet kan også lagast med damp i kombiomn.
Mange liker å brune kjøttet lett i steikeomnen på høg varme i nokre minutt før servering.

Korleis blir det servert?

Tradisjonelt blir pinnekjøttet servert dampa, saman med kålrabistappe, kokte poteter og sjy frå dampinga. Det finst mange lokale variantar av tilbehøyr, til dømes røkte kjøttpølser, lefser eller noko søtt, som litt sirup.