Fagstoff
Graving av kjøtt
Graving av kjøtt er ein tradisjonell konserveringsmetode der kjøtt blir behandla med salt, sukker og krydder. Metoden gir kjøttet ein særeigen smak og konsistens. Ettersom kjøttet ikkje får noka varmebehandling, må du vere ekstra nøye med hygiene og rett temperatur gjennom heile prosessen.
Cognac-graven reinsdyrfilet med tyttebær- og hasselnøttrømme.
Ingrediensar
Når du skal grave kjøtt, gnir du kjøttet inn med følgjande ingrediensar:
- sukker
- salt (viktig for konservering og mattryggleik)
- krydder (til dømes pepar, einebær, karve eller friske urter)
- grønsaker (Det er valfritt, men gir god smak. Bruk til dømes purreløk og gulrot.)
brennevin (Det er valfritt, men gir god smak. Det er vanleg å bruke akevitt eller konjakk.)
Til 1 kg viltkjøtt kan du til dømes bruke:
100 g sukker
100 g salt
1 ts malen pepar
2 ms finhakka timian
2 ms akevitt
Framgangsmåte
Gni kjøttet inn med salt, sukker og krydderblanding.
Legg kjøttet i ein plastpose saman med eventuelle grønsaker og brennevin.
Set kjøttet kaldt (mellom 0 til 4 grader) med lett press (ca. 200–300 gram) i eit par dagar. Snu kjøttet to gonger i døgnet.
Oppbevaring
Grave kjøtt kan oppbevarast i kjøleskap i ca. 2–3 veker. Kjøttet kan frysast, men konsistens og smak vil bli best om du ikkje frys det.
Akevittgraven hjort med løpstikke og tyttebær.