Produksjon av fenadlår

Fenadlår er tradisjonell norsk spekemat laga av salta og tørka lår frå lam eller sau. Nokre variantar blir også lett røykte. I filmen under (lengde 0:49) får du sjå korleis vi enkelt lagar fenadlår ved hjelp av tørrsalting.

Video: Haakon Melsom / CC BY-NC-SA 4.0

Slutt på ikkje-tilgjengeleg innhald.

Lammelåret kan saltast ved hjelp av tørrsalting eller lakesalting.

tørrsalting: 100 % vacuumsalt (koksalt)
lakesalting: salt utblanda i vatn (20–24 °Bé)

Konserveringa av fenadlåret i filmen over blir gjord slik:

tørrsalting i kjølerom: 7–10 grader i 5–7 døgn
utvatning: 3 timar
modning: 7 døgn (i kjølerom)
eventuell kaldrøyking: 15–25 grader i 3–5 timar
tørking: maks 15 grader (låret er ferdig når det har ein vektreduksjon på 25–30 %)

Korleis blir det servert?

Fenadlår blir vanlegvis skore i tynne skiver og blir servert kaldt som spekemat saman med flatbrød, rømme og eggerøre. Rømmegraut og fenadlår er ein klassisk kombinasjon. Fenadlåret er ein sjølvsagt del av ei spekematanretning, og det smaker godt i ein lefserull.

Eit fenadlår, ei skål med rømme, flatbrød og ein kniv liggande på eit bord framfor ein peis. Foto. — Fenalår blir tradisjonelt servert saman med flatbrød og rømme.

Relatert innhald

Salting og speking av kjøtt

Her får du ei lita innføring i korleis du kan lage spekemat.