Oppgåve

Administrative funksjonar i praksisbedrifta

Administrasjon trengst i alle slags verksemder. Men dei administrative funksjonane og servicenivået kan vere ulike. Kva inneber dei administrative funksjonane i praksisverksemda di? Og kva kjenneteiknar god service?

Person som er dekt av ein stor bunke med papir. Foto. — Det har blitt færre papirdokument, men også digitale dokument må setjast i eit system

Oppgåve 1: administrative funksjonar

Beskriv dei administrative funksjonane og rutinane i praksisbedrifta.

Tips

Tenk særleg på:
- rutinar for opning og stenging
- opplæring
- lønns-, oppgjers- og rekneskapsrutinar
- møte
- bestillingsrutinar
- varemottak
- medarbeidarsamtalar
- nettansvarleg
- inngangskontroll
- brann- og førstehjelpsansvar
Kva for nokre administrative funksjonar tek du ansvar for og/eller del i?

Kasseapparat i ein daglegvarebutikk. Foto. — Det er stor variasjon i teknologisk utstyr mellom ulike verksemder.

Oppgåve 2: teknologi

Beskriv kva slags teknologi som blir brukt i praksisbedrifta.

Tips

Døme på bruk av teknologi:
- kasseapparat
- kortbetaling
- varebestilling
- varemottak
- heimesider
- nettbutikk
- inngangskontroll
- tjuverialarmar
- konfliktar
- brann, tjuveri, førstehjelp

Oppgåve 3: service

Hånd peker med finger mot fem gule stjerner. Foto.

Kva er god service i praksisbedrifta di?
Korleis kan du yte best mogleg service til alle kundane/brukarane/gjestane dykkar?
Kva påverkar kvaliteten og servicenivået hos dykk?

Tips

Tenk på kva forventningar du sjølv har til service, og legg litt ekstra arbeid i å yte slik service til kundane dine.
Kunden forventar helst det vesle ekstra som hevar opplevinga endå eit hakk. Korleis kan du gjere dette?
Korleis er opningstidene og tilgjengelegheita?
Kor fort svarer de på førespurnader?
Korleis handterer de klager og misnøgde kundar?
Beskriv korleis de jobbar for at praksisbedrifta skal bli oppfatta som ei kvalitetsbedrift.

Oppgåve 4: servicegrad

Dei aller fleste bedrifter gjennomfører jamleg undersøkingar av kundetilfredsheita og måler servicegrada. Beskriv korleis dette blir gjort i praksisbedrifta di, og forklar kvifor det er viktig.

Tips

Spør leiaren din om korleis dette blir gjort. Ofte blir store undersøkingar gjennomførte av eksterne byrå som er ekspertar på dette.