Den som har ansvaret for det daglege stellet av dyra, har ansvaret for å forsøke og hindre at dei vert sjuke – og for å gi dei behandling dersom dei vert sjuke. Dersom husdyr vert alvorleg sjuke og det ikkje lønner seg å behandla dei, skal dyra avlivast så raskt og skånsamt som råd.
I Noreg har vi organiserte helsetenester for storfe, svin, sau, geit og fjørfe. Veterinærar og andre fagfolk jobbar systematisk for å førebyggja sjukdom i nært samarbeid med dei som har det daglege ansvaret for å stella dyra.
Diskuter
- Nemn tre årsaker til at husdyr kan verta sjuke.
- Kvifor er det viktig å unngå sjukdom i besetninga?
- Nemn årsakene til at vi har mindre sjukdom hos husdyr i Noreg enn i andre land.
- Kva vert gjort for å førebyggja smitte i to besetningar de kjenner til?
- Kva er årsaka til jurbetennelse?
- Kva kjem mjølkefeber av?
- Kva kan vi gjera for å førebyggja ketose?
CC BY-SASkrive av Torger Gjefsen.
Sist fagleg oppdatert 13.12.2018