I dette læringsoppdraget skal du berekne og kople opp to ulike varmeinstallasjonar. Du skal installere skjult og ope. I tillegg skal du utarbeide anleggsdokumentasjon
Desse installasjonane skal du gjere i læringsoppdraget
- reflektoromn styrt med reguleringsvendar
- gjennomstrøymingsovn styrt med termostat
Reflektoromnen monterer du som open installasjon, mens gjennomstrøymingsovnen monterer du som skjult installasjon.
Ta utgangspunkt i soverom 3 på teikninga. Finn varmebehovet (sjå relatert artikkel nedst om du er usikker på dette), vel aktuell gjennomstrøymingsomn, og plassar han formålstenleg. Grunngi alle vala du gjer.
Relevante moment å tenkje på
Anleggsdokumentasjon
- Hugs installasjonsteikning med symbol, symbolbokstavar og rett tal på leiarar i kablar/røyr. Hugs forskjellen på installasjonsteikningar for skjult og open installasjon.
- Hugs koplingsskjema med symbol, tilkoplingar og fargekodar.
Materialliste
- Fullfør og sluttfør materiallista. Her må du hugse å skilje mellom utstyr du bruker på skjult installasjon, og utstyr du bruker på open installasjon.
Fagmessig utføring
- Det er viktig å montere installasjonen fagmessig. Her er det viktig å følgje norma. Dokumenta viser til forskrifter og normer og til den tekniske spesifikasjonen frå produsenten. Desse er viktige å følgje når du installerer varme i ein bustad.
Setje omnane i drift
- Å setje i drift er å sjå til at installasjonane overheld gjeldande forskrifter, normer og estetiske krav.
- Funksjonstest anlegget.
- Sjekk at installasjonen er sikker, både for brukarar og for dei som arbeider med han.
Relatert innhald
CC BY-SASkrive av Steinar Olsen.
Sist fagleg oppdatert 05.12.2018