Visit Bergen
Visit Bergen dekkjer ti kommunar og driftar òg Turistinformasjonen i Bergen og nettsida visitbergen.com. Selskapet har som føremål å organisere og marknadsføre reiselivs- og opplevingsverksemder i regionen, inkludert på kurs- og konferansemarknaden.
Selskapet er hovudsakleg privat finansiert, med noko kommunal støtte knytt til Turistinformasjonen. Visit Bergen er ein felles reiskap for reiselivsnæringa, eit nettverksorgan og ein produktkoordinator for regionen.
Hovudoppgåve
Visit Bergen koordinerer arbeidet med å utvikle totalproduktet Bergensregionen. Dei seier om seg sjølve:
Visit Bergen skal arbeide for å styrke medlemsbedriftenes lønnsomhet og konkurranseevne gjennom målrettet informasjon og markedsføring av Bergen og regionen i inn- og utland. Oppgavene utøves for reiselivsnæringen alene, Bergen kommune og i fellesskap.
Strategisk plattform
Den strategiske plattforma til ei bedrift fortel oss korleis bedrifta har planlagt å nå måla sine, formulert til dømes som ambisjonar, føremål, verdiar og arbeidsområde. Under kan du sjå korleis Visit Bergen har sett opp den strategiske plattforma si.
Hovudmål
Ambisjonen til Visit Bergen er å skape ein lønsam og berekraftig heilårsdestinasjon. Denne ambisjonen har dei utdjupa i to hovudmål. Det eine målet gjeld aktiviteten til selskapet utover, og blir derfor kalla eit eksternt mål. Det eksterne hovudmålet til Visit Bergen er:
Bidra til å øke antall tilreisende til Bergen og regionen, spesielt i kjøpesterke segmenter og i lavsesong
Det andre hovudmålet seier noko om dei indre prosessane til selskapet, og blir derfor kalla eit internt mål. Det interne hovudmålet til Visit Bergen er:
Levere høg kvalitet i utøving av oppgåver og inspirere til samhandling i næringa
Årshjul
I det strategiske arbeidet sitt har Visit Bergen utarbeidd eit årshjul. Det er eit planleggingsverktøy som gir oversikt over aktivitetar som skal skje gjennom året. Oversikta gir selskapet ein felles plan, som gjer arbeidet føreseieleg for dei tilsette. Under kan du sjå årshjulet til Visit Bergen.
Verdiar
Verdiane til ei bedrift seier noko om korleis bedrifta ønskjer å bli oppfatta, og kva eigenskapar ho ønskjer å bli assosiert med. Å velje ut verdiar er ein viktig del av strategiarbeidet til bedrifta. Alle tilsette må kunne identifisere seg med verdiane av bedrifta. Under kan du sjå verdiane til Visit Bergen.
Marknader og målgrupper
Visit Bergen rettar størstedelen av aktiviteten sin mot dei mest lønsame marknadene og segmenta sine. I marknadsarbeidet retta mot ferie- og fritidsmarknaden prioriterer dei spesielt Noreg, Tyskland, USA, Japan, Spania og Storbritannia.
Eksterne målgrupper:
Visit Bergens målgrupper i ferie- og fritidsmarkedet og i møte- og arrangementsmarkedet skal være norske og utenlandske turoperatører, reisebyråer, møte- og kongressarrangører, idretts- og kulturarrangører, flyselskaper og fergerederier, cruiserederier, bedrifter, media og den individuelle tilreisende.
Interne målgrupper:
Reiselivsbedrifter og næringslivet for øvrig i Bergen og regionen. Bergen kommune og kommunene i regionen. Kultur,- opplevelses,- og idrettssektoren. Lokalbefolkningen i Bergen – ved at de får bedre tilbud gjennom reiselivets kvaliteter. Media regionalt og nasjonalt.
Dei arbeider òg overfor sekundærmarknader som viser utviklingspotensial, slik som Russland, Polen og Kina.
Organisering
Korleis Visit Bergen er organisert, er her vist i eit organisasjonskart:
Nøkkeltal
Nøkkeltal er tal for viktige aktivitetar og resultat for ei bedrift. Ein analyse av nøkkeltala kan seie oss noko om måloppnåinga til bedrifta. Her er nokre nøkkeltal frå 2019 for Visit Bergen:
Kilde
visitbergen.com. (u.å). Om oss. Henta 23. oktober 2020 frå https://www.visitbergen.com/bergenreiselivslag