Nivå 3: Skriv om eit verkemiddel i Og

Før du gjer denne oppgåva, bør du ha arbeidd med ressursen "Og – ein roman om å vere ny i Noreg".

Verkemiddel i ein skjønnlitterær tekst er måten forfattaren har valt å skrive teksten sin på. Nokre døme på verkemiddel kan vere kontrastar, symbol, måten å bygge setningar på og gjentakingar.

Modelltekst

Ein modelltekst er ein tekst som skal vise deg korleis du sjølv kan skrive. I presentasjonen under har vi laga ein modelltekst som viser deg korleis du kan skrive om eit verkemiddel. Vi har laga eit avsnitt om verkemiddelet gjentaking slik det er brukt i novella "Blodspor" av Bakir Ahmethodzic.

Skriv eit avsnitt om eit verkemiddel i Og. Vel eit av desse:

• gjentaking – les meir om verkemiddelet i fagartikkelen "Gjentaking"

• kontrast – les meir om verkemiddelet i fagartikkelen "Kontrast"

• syntaks – korleis setningane er bygde opp

Ha modellteksten over framfor deg for tips om korleis du skal lage avsnittet. I tillegg kan du bruke tipsa og setningsstartarane under når du skriv avsnittet.

Tips viss du skriv om gjentaking

• Les gjennom utdrag 5 og 6 ein gong til. Legg merke til korleis orda "og" og "eller" blir gjentekne.

• Tenk over korleis desse gjentakingane får fram det du meiner er temaet i teksten.

Setningsstartarar til avsnittet om gjentaking

• Eit verkemiddel er ...

• Orda ...

• Til dømes står det "..."

• Når desse orda blir gjentekne, ...

• Gjentakingane viser korleis ...

Tips viss du skriv om kontrastar

• Les gjennom utdrag 5 og 6 ein gong til. Legg merke til korleis hovudpersonen bruker føtene sine som døme på korleis ho har det i jungelen og i byen.

• Legg òg merke til det avsnittet som startar med orda "Det var bare Sisi og meg.". Her er det mange kontrastar.

• Tenk over korleis desse kontrastane får fram det du meiner er temaet i teksten.

Setningsstartarar til avsnittet om kontrastar

• Eit verkemiddel er ...

• Til dømes beskriv hovudpersonane føtene ...

• Ho tenker at: "..."

• Ein annan kontrast er når hovudpersonen tenker "..."

• Desse kontrastane viser at ...

• Dessutan viser kontrastane at hovudpersonen ...

Tips viss du skriv om setningsoppbygging

• Les gjennom dei to første utdraga.

• Legg merke til korleis forfattaren bruker setningsoppbygginga til å vise at Monika og hovudpersonen prøver å kommunisere.

• Tenk over: Kan du vise kven du eigentleg er, når du ikkje kan språket?

Setningsstartarar til avsnittet om gjentaking

• Eit verkemiddel er ...

• Dette er tydeleg i samtalane ...

• Til dømes seier Monika: "..."

• Hovudpersonen tenker òg: "..."

• Setningsoppbygginga viser altså korleis ...

• Det er vanskeleg å ...

Gå vidare for å øve deg på å skrive innleiing og avslutning til utdraget frå Og.