Nivå 2: Skriv om temaet i Og

Før du gjer denne oppgåva bør du ha arbeidd med ressursen "Og – ein roman om å vere ny i Noreg".

Temaet i ein skjønnlitterær tekst er det forfattaren eigentleg vil fortelje og få deg til å tenke over. Når du skriv om temaet, tolkar du teksten, i motsetning til når du skriv om motivet. Då skal du berre skrive om handlinga i teksten.

Modelltekst

Ein modelltekst er ein tekst som skal vise deg korleis du sjølv kan skrive. I presentasjonen under har vi laga ein modelltekst som viser deg korleis du kan skrive eit avsnitt om temaet i ein tekst. Vi har brukt novella "Blodspor" av Bakir Ahmethodzic i dømet.

Skriv eit avsnitt om temaet i romanen Og. Ha modellteksten over framfor deg for tips om korleis du skal lage avsnittet. I tillegg kan du bruke tipsa og setningsstartarane under når du skriv avsnittet.

Tips

Romanen Og har fleire tema. Vel det du synest er det viktigaste, men her er nokre forslag:

• språk og identitet

• kommunikasjon

• å kjenne seg framand og åleine i eit nytt land og ein ny kultur

Før du skriv avsnittet, er det lurt å finne eit sitat du vil bruke. Finn eit sitat som du synest viser godt kva nettopp du meiner er temaet i romanen.

Setningsstartarar

• Temaet i romanen er ...

• Hovudpersonen kjenner seg ...

• Dette kjem fram når hovudpersonen tenker ...

• Sitatet viser korleis ...

• Romanen viser altså korleis ...

Kommentar

Legg merke til orda "Dette", "Sitatet" og "altså" i setningane over. Dette er tekstbindarar. Tekstbindarar er små ord som "bind" eller "syr saman" setningane dine. Når du bruker tekstbindarar, blir språket ditt betre. Du kan lære meir om tekstbinding i filmen Setningsstabling.

Gå vidare for å øve deg på å skrive eit avsnitt om eit verkemiddel i Og.