I denne oppgåva skal de bruke puslespelmetoden, eller jigsaw-metoden, som blei utvikla av Eliot Aronson i 1971. Du kan lese meir om jigsaw-metoden her. Heile opplegget tek cirka 90 minutt. Sjå videoen over om dronning Margrete før de begynner.
Førebuingar
Del dykk inn i basisgrupper på fem elevar. Viss det ikkje går opp, kan de ha seks elevar på nokre av gruppene. Då må to elevar på desse gruppene jobbe med same tema.
Fordel temaa under på medlemmene i gruppa. Gruppemedlemmene skal no bli ekspertar på kvart sitt tema.
Ekspert 1: Noreg etter svartedauden
Finn ut:
Kva veit vi om kor hardt svartedauden ramma Noreg?
Kva blei betre og kva blei verre etter svartedauden i Noreg?
På kva måtar ramma pesta ulike grupper ulikt?
Kjelder:
Ekspert 2: Naudbrevet til dronning Margrete
Finn ut:
Korleis beskriv Margrete situasjonen sin i naudbrevet?
Kva ønskjer ho hjelp til?
Kva andre ting ber ho om?
Kva fortel kjelda deg om moglegheitene for å kommunisere på tvers av landegrenser på denne tida?
Korleis kan ein forklare den situasjonen Margrete hadde kome i?
Kjelder:
Ekspert 3: Maktforholda på Margrete si tid
Finn ut:
Kva hendingar skaper endringar i maktforholda mellom 1380 og 1388?
Kvifor var det politisk krise i Danmark og Noreg i 1388?
Korleis blei denne krisa løyst?
Korleis kjem Sverige inn i biletet?
Kjelder:
Ekspert 4: Dronning Margretes valbrev
Finn ut:
Kva var riksrådet?
Kva slags folk sat i det norske riksrådet?
Kva seier kjelda, kort fortald?
Kva seier kjelda om bakgrunnen for at Margrete blir vald til den øvste regenten i Noreg?
Kjelder:
Ekspert 5: Kalmarunionen
Finn ut:
Korleis enda det med ein union mellom Noreg, Sverige og Danmark i 1397?
Kva rolle spelte Margrete i dette?
Korleis gjekk det med unionen?
Kva blei konsekvensane for Noreg på sikt?
Kjelder:
Individuelt arbeid
Jobb individuelt i 20 minutt. Fordjup deg i dei oppgitte kjeldene og svar på spørsmåla under temaet ditt. Bruk gjerne andre ressursar òg.
Ekspertgrupper
Set dykk saman i ekspertgrupper og jobb saman i 10 minutt. Dei som har fordjupa seg i same tema, skal no sitje saman. Del det de har funne ut. Hjelp kvarandre til å forstå, og bli samde om kva som er viktigast. Førebu dykk på korleis temaa dykkar skal presenterast for basisgruppa.
Deling og diskusjon
Set dykk tilbake i basisgruppene, og presenter for kvarandre det de har funne ut. Presenter i riktig rekkjefølgje. Kvar ekspert får 3–4 minutt til å presentere.
Diskuter i gruppa. Bruk 3–4 minutt per spørsmål:
Kva slags situasjon var Margrete i då ho skreiv naudbrevet?
Kva var viktig for å få makt på 1300-talet, og korleis fekk Margrete så mykje makt?
Kan historia om Margrete seie noko om stillinga for kvinner i Noreg på 1300-talet?
Korleis var det å vere dronning i Noreg på slutten av 1300-talet samanlikna med i dag, trur de?
Har forskjellane mellom dei kongelege og vanlege folk blitt større eller mindre frå 1300-talet til i dag?
Korleis klarte Margrete å få i stand Kalmarunionen?
Var det nokon demokratiske prosessar involvert i det politiske spelet fram til unionen?
Kva ville vore annleis i dag dersom Kalmarunionen framleis eksisterte?
Samanfatt i klassen, viss de får tid.