Dikt, forteljingar og skodespel, men også saktekstar, gir oss innblikk i korleis menneske har levd, tenkt og følt til ulike tider. Leseopplevingar kan gjere oss glade, ettertenksame, triste eller sinte – og alltid litt klokare!

Kampen mot autoritetar har gått føre seg heilt sidan filosofane på 1700-talet hevda at det var ein menneskerett å søkje fridom og lykka i livet. I litteraturen har forfattarane gjort opprør mot autoritetane ved å vise kva som avgrensar mennesket, og korleis det påverkar enkeltindividet og samfunnet.