Del 1: Bli kjend med Peer gjennom sitatvandring
Korleis er Peer Gynt?
No skal de få eit lite drypp frå Henrik Ibsens kjende stykke ved å høyre nokre utvalde sitat av, og om, han. Dette går slik føre seg:
Under ser de 15 sitat frå stykket.
Fordel sitata mellom dykk i klassen. Somme sitat må takast to gonger. Det gjer ikkje noko.
Lær deg sitatet ditt utanåt.
Alle går rundt i klasserommet og deklamerer sitata for kvarandre. Du skal snakke med alle i klassen.
Etter sitatvandringa er ferdig, skal du setje deg ned og skrive ned
kva førsteinntrykk du fekk av Peer
kva du trur skodespelet kjem til å handle om
Alle i klassen les opp kva dei har skrive. Læraren skriv stikkord på tavla undervegs.
Her kan de finne sitata på eit Word-dokument viss de vil klippe dei opp og dele ut til alle i klassen:
Filer
Del 2: "Å vere seg sjølv"
Sitata viser at det "å vere seg sjølv" går igjen i dramaet Peer Gynt. Men kva betyr eigentleg dette?
Skriv aleine: Kva betyr det å vere seg sjølv?
Diskuter i grupper: Kva har de svart?
Diskuter i klassen: Kva betyr det "å vere seg sjølv"?
Del 3: Løyndommen bak Peer Gynt
Sjå programmet Hemmeligheten bak Peer Gynt fram til 20:05. Skriv ned svar på desse spørsmåla undervegs:
Kva for nokre ulike måtar har dramaet Peer Gynt blitt tolka på?
Korleis karakteriserer menneska som blir intervjua karakteren Peer Gynt? Skriv stikkord.
Kva for nokre negative sider såg Henrik Ibsen ved nasjonalromantikken i Noreg midt på 1850-talet?
Ivo de Figueiredo meiner ein krig i 1864 er viktig for å forstå bakgrunnen for at Henrik Ibsen skreiv Peer Gynt. Kvifor?
Kvifor meiner de Figueiredo at Peer Gynt er ein satire og ikkje eit nasjonalromantisk drama?
Del 4: Oppsummer
Skriv ein tekst på ca. 200–400 ord om
kva som var bakgrunnen for at Henrik Ibsens skreiv Peer Gynt
kva du meiner dramaet kjem til å handle om